next up previous contents
Next: The maner to doubt Up: Reasons of the grete Previous: To uttre secretes.   Contents

How thou oughtest to sporte with thy frende.

Loke wysely how thou playest or bourdest with thy frende (or other) with thy handes or with thy mouth, for yf thou do hym harme, harme may come to the. With sportyng with handes cometh angre and murdre, whyther it be thy brother or frende. For yf thou hurt hym or wryng his hande, or cast hym downe, or smyte hym otherwyse, it shall greve hym, & shame hym in his mynde, albeit that he be lytell and weyke, for eche in hym selfe counteth hym stronge, bolde and fyers, and yet he wyll prayse hym selfe thoughe he be a cowarde and nought. And yf thou mocke hym, thou shalt spyte hym to the hert, for he wyll thynke that thou dyspysest hym, & that thou reputeth hym at nought. And yf thou mocke hym before people, thou doost hym yet more spyte, & he cometh angre and grete hate, though it be thy brother or other frende. But thou ought to pastyme with fayre wordes, and to shewe goodly auctorytees and reasons to drawe theyr love to the, for by that pastaunce thou mayst come to the goodnesse, love and curteysy of people.


next up previous contents
Next: The maner to doubt Up: Reasons of the grete Previous: To uttre secretes.   Contents
tashid 2001-09-09