Worthy kynge Alexander dere sone the obedyence to a kynge cometh by iiij. thynges. That is for the vertuous lyvynge of the kynge. Bycause he maketh hym to be beloved of his subgectes. Bycause he is curteys. And for the honoure and reverence, that he doth to them that be moost worthy of it. My dere sone do so moch that thou mayst drawe to the the courages of thy subgectes, and avenge them of all wronges & injuryes done to them. And beware that thou gyve not to thy subgectes cause and mater to speke agaynst the. For speche of people many tymes may do hurt. Than have in thy mynde suche wyse that nothyng may be sayd agaynst the. And so thou shall eschue the yll wyl and dedes of them that had yll wyll agaynst the. And forsoth the largenesse of the glory of thy dygnyte and reverence, and exaltacyon of thy realme, and that reboundeth moost to thy honoure is to have the hertes of thy subgectes. It is founde in holy scryptures, that the kyng is over a realme as the rayne is over the erth which is the grace of god and blyssynge of the hevens and cometh on the erthe, and all lyvynge creatures. For the rayne is called the way of marchauntes, and helpe of buylders. How be it that in the rayne falleth somtyme thondre and lyghtnynge, swellynge of the see, and floodes with tempestes and many other evyls cometh therby, wherwith medowes and verdures hath perysshed. For god made it so of his grete goodnesse, benygnyte, and grace. The which selfe example ye may fynde in wynter and somer. In the whiche the soverayne largesse gyveth and ordeyneth coldenesse and heate, engendrynge and encreasynge of all newe thynges. How be it many evyls & perylles cometh by the rygour of grete coldenesse of wynter, & grete heates of somer. In lyke wyse dere sone is it of a kynge. For many tymes the kynge doth many grefes and evylles to his subgectes, and maketh them to beare grete herte agaynst hym. But whan the people seeth that by the grace and good governaunce of the kynge they be in peas and well ruled they forgete the abovesayd evylles, and thanke the gloryous god that hath pourveyed them of so wyse a kynge.