A Kynge ought to ordre hym soo that he do no wronge, nor harme to marchauntes, but ought to cherysshe them. For they go thoroughout all the worlde, and by them is reported the good and all renownes of lordes & prynces. And a kynge ought by veray Justyce to yelde every man his. And so his landes and cytees shal be garnysshed with all welthes. And the kynges werkes shall multyply to his honoure and glory, and shal be the more redoubted of his foes, and shall lyve & reygne at his wyl & desyre in quyetnesse.