Good sone I praye the have in thy mynde stedfastly these certayne instruccyons and kepe them. Knowe thou that helth is chyefly in two thynges. The fyrst is lete a man use suche meates & drynkes as he hath ben nourysshed with. The seconde that he purge hym of yll humours that be corrupte & greve him. For the body of man is fedde with meates & drynkes whiche nourysshe it by naturall heate that dryeth, nouryssheth and fedeth the moystnesse therof.